Vodhën para në një banesë të marrë me qira, përfundojnë në pranga dy autorët dhe bashkëpuntori i tyre

Tre persona, 33, 39 dhe 41 vjeç janë vënë në prangat e policisë së Vlorës këtë të diel.

Ata dyshohen se janë autorë të vjedhjes së një shume parash në një banesë të marrë me qira nga dy shtetase të huaja.

33-vjeçari ka ndihmuar dy autorët e dyshuar të largoheshin nga qyteti i Vlorës. Njëri prej autorëve të dyshuar të vjedhjes, është i dënuar për vrasje në një shtet tjetër.

Gjithashtu gjatë operacionit u sekuestruan një send pistoletë lodër, veshje dhe një automjet tip “Range Rover”, të përdorura nga autorët gjatë kryerjes së krimit, një shumë parash prej 440 euro dhe dokumenti i udhëtimit të vjedhur prej tyre, një automjet tjetër tip “Audi”, një sasi lënde narkotike e dyshuar kanabis dhe 7 aparate celulare.