Për Al Jazeerën, sulmi izraelit që i mori jetën dy gazetarëve të saj dhe tre kameramanëve në Rripin e Gazës, ishte i qëllimshëm.
Media e njohur insiston se tenda e përdorur nga stafi i saj në Qytetin e Gazës, jashtë Spitalit al-Shifa, ka qenë objektiv i goditjes. Emrat e Anas al-Sharif, Mohammed Qreiqeh, Ibrahim Zaher, Mohammed Noufal dhe Moamen Aliëa i bashkohen listës së gati 200 gazetarëve të vrarë, sipas Reporterëve pa Kufij, që prej fillimit të luftës në vazhdën e sulmit të përgjakshëm të Hamasit në tokën izraelite 7 tetorin e vitit 2023.
Ushtria izraelite tha nuk e mohoi shënjestrimin e Anas Al Sharif, por pretendon se ai udhëhiqte një celulë të grupit palestinez të shpallur organizatë terroriste nga Shtetet e Bashkuara dhe Bashkimi Evropian – dhe ishte përfshirë në sulmet me raketa ndaj Izraelit.
Por Al Jazeera nuk i pranon të tilla akuza, dhe vetë Al Sharif, para se të vritej, kishte mohuar pretendimet e Izraelit se ai kishte lidhje me Hamasin. Duke e quajtur 28 vjecarin si njërin gazetarëve më të guximshëm të Gazës”, Al Jazeera tha se sulmi ishte “një përpjekje e dëshpëruar për të mbytur zërat në prag të pushtimit të enklavës”.
Al Sharif më herët kishte qenë pjesë e ekipit të Reutersit, i cili në vitin 2024 fitoi Çmimin Pulitzer në kategorinë e Fotografisë për Lajmet e Fundit, lidhur me mbulimin e luftës Izrael-Hamas.