Elbasan – Një tjetër rast i shpërndarjes së lëndëve narkotike në qytet është goditur nga strukturat e Policisë. Shtetasi F. M., 31 vjeç, banues në Elbasan, është arrestuar në flagrancë nga specialistët e Seksionit për Hetimin e Narkotikëve, pas administrimit të informacioneve operative.
Gjatë kontrollit fizik të ushtruar mbi të dyshuarin, shërbimet e Policisë i gjetën një sasi lënde të dyshuar narkotike e llojit cannabis sativa, e ndarë në doza dhe e gatshme për shitje në lagje të ndryshme të qytetit.
Lënda narkotike u sekuestrua në cilësinë e provës materiale, ndërkohë që ndaj shtetasit të arrestuar janë ngritur akuza për veprimtari të paligjshme në fushën e narkotikëve.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për vijimin e veprimeve të mëtejshme ligjore.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.