A do të ketë arrestime ? Lojërat e Fatit, Mickoski: Qeveria e kaluar ka thyer ligjet, këtu dikush duhet të mbajë përgjegjësi

Shkup, 1 korrik – Kryeministri Hristijan Mickoski tha se Qeveria po përgatit zgjidhje ligjore për Lojërat e Fatit, përcjell TV21. Mickoski tha se zgjidhja ligjore përfshin edhe përgjegjësi për vendimet e qeverisë së kaluar për këtë çështje.

“Përgatisim edhe këtu zgjidhje ligjore, zgjidhje ligjore që nënkupton fillimisht rishikim të të gjithë asaj që e ka dhënë qeveria e kaluar, respektivisht të gjithë ata pajtime që janë dhënë, sepse ne jemi thellësisht të bindur se këtu ligjet janë thyer dhe dikush duhet të mbajë përgjegjësi”, u shpreh Mickoski.