Shkup, 3 tetor – Në numrin e fundit të të javores “Fokus” vjen një intervistë me deputetin dhe liderin e “Levicës”, Dimitar Apasiev, i cili ndër të tjera thotë se tashmë po zhvillohet Lufta e Tretë Botërore, ndërsa thekson se Ballkani ka 3 pika të nxehta – Kosovën, Republika Srpska dhe Maqedonië. Megjithatë, Apasiev nuk pret një përsëritje të vitit 2001. Por nëse ndodh një skenar i tillë, ai thotë: “atëherë do të rrëmbejmë armët si partizanët”.
– Duke u nisur nga trazirat apo protestat për propozimin francez, më mbeti një episod që tregon shkallën e zemërimit të maqedonasit. Kjo ishte, nëse ju kujtohet, kur djali i VLEN-it nxorri armën para monumentit të Skënder Beut, ishte një maqedonas që ndezi celularin dhe shkoi drejt e tek ai, e filmoi dhe ia drejtoi në sy. ai mbante armën. Aq është pika e vlimit te maqedonasit.
Dhe ajo pika nervore “do t’ju ndodhë 2001” – le ta bëjmë të ndodhë! Le të shohim se kush do pësojëmë keq. Nuk mendoj se do t’i lënë të arrijnë deri tek kjo sepse nuk u përgjigjet…Evropa ka nevojë për një lloj stabiliteti për shkak të biznesit, veçanërisht biznesit gjermano-austriak dhe përfitimin e kapitalit këtu. Dhe nuk mendoj se do të vijë puna deri aty, por nëse do të ndodhë – atëherë do të rrëmbejmë armët si partizanët, qofshim gjallë e shëndoshë.
Pra kërcënime të tilla nuk shiten. Gjërat kanë ndryshuar gjeopolitikisht. Kanë ikur ditët kur, ju kujtohet në konfliktin e 2001-shit, përveç Ukrainës dhe presidentit të atëhershëm pro-rus që na dha armë, partnerët tanë strategjikë amerikanët dhe evropianët na vendosën një embargo armësh. Pse nuk i vënë embargo Izraelit tani, kur po kryen masakra në Palestinë dhe Liban? – thotë Apasiev./Zhurnal