Shkup, 26 qershor – Marrëveshjet, veçanërisht ato ndërkombëtare dhe ato të përfshira në kornizën negociuese me BE-në duhet të respektohen, deklaroi sot lideri i GERB-it dhe ish kryeministri bullgar Bojko Borisov, duke komentuar deklaratën e kryeministrit të Maqedonisë Hristian Mickoski se nëse ka vullnet politik e mundur është zgjidhje me Bullgarinë dhe ndryshim i kornizës negociuese me BE-në.
Borisov thotë se përkundër marrëdhënieve të mira mes tij dhe partnerëve në BE, marrëveshjet duhet të respektohen.
“Çfarëdo interpretimi nuk është i mirë për kolegët nga Maqedonia e Veriut. Pa mbështetjen tonë dhe të Greqisë, RMV nuk ka asnjë shans për në BE. Tani duhet të jenë të përgjegjshëm. Siç e morën mbështetjen tonë, tani nuk mund të mbështeten më në të”, thekson Borisov.
Ai theksoi se do të iniciojë takim me Mickoskin nëse ai formon qeveri dhe bëhet përsëri kryeministër i Bullgarisë.