Haraçinë, 19 tetor – Kandidati i koalicionit VLEN për Komunën e Haraçinës, Daut Beqiri, ka shpallur fitoren në këtë komunë pas përfundimit të procesit zgjedhor.
Përmes një mesazhi të publikuar në rrjetet sociale, Beqiri falënderoi qytetarët për besimin dhe mbështetjen e dhënë gjatë gjithë fushatës dhe në ditën e votimit.
“Fitore në Haraçinë! Faleminderit popullit për besimin! ”, shkroi ai, duke shoqëruar mesazhin me simbole të unitetit dhe fitores.
Beqiri ishte një nga kandidatët kryesorë të koalicionit opozitar VLEN, i cili zhvilloi një fushatë të fokusuar në ndryshimin e qeverisjes lokale, zhvillimin ekonomik dhe përfaqësimin dinjitoz të qytetarëve të Haraçinës.
Rezultatet zyrtare ende priten, por deklarata e tij nënkupton një fitore të rëndësishme për koalicionin në këtë komunë strategjike.