239
Një akt vandalizmi ka ndodhur të dielën pasdite në komunën e Junikut. Persona të panjohur kanë dëmtuar 11 autobusë të kompanisë “Juniku Reisen”.
Rastin në polici e ka paraqitur viktima i cili ka deklaruar se autobusët kishin qenë në parking.
Lajmin për Telegrafin e ka konfirmuar zëdhënësi i policisë për rajonin e Pejës, Fadil Gashi.
“Dje rreth orës 15:10 policia është njoftuar për një rast në Junik, ku ankuesi ka treguar se në parkingun e kompanisë “Juniku Reisen” i janë dëmtuar 11 autobus”, ka thënë Gashi.
Gashi ka shtuar se policia ka dalë menjëherë në vendin e ngjarjes dhe dëmet vlerësohen të jenë rreth 50 mijë euro.
Me rastin është duke u marrë njësia e hetimeve rajonale.