Shkup, 24 tetor – Shoqata e Gazetarëve të Maqedonisë (SHGM) dënon ashpër aktin vandal të djegies së automjetit të kolegut Blagoj Sersemov, redaktor i televizionit lokal dhe medias online M-net nga Shtipi.
Ngjarja ka ndodhur gjatë natës së kaluar, me ç’rast automobili i gazetarit dhe redaktorit të televizionit nga Shtipi, M-net, është djegur nga autorë të panjohur në oborrin e shtëpisë së tij familjare.
“Këtë e konsideroj një sulm të drejtpërdrejtë ndaj të gjitha mediave, jo vetëm ndaj meje personalisht. Siguria e anëtarëve të familjes sime është padyshim në rrezik”, tha Sersemov, shkruan hurnal.
Në reagimin e SHGM-së, thuhet se ky akt vandal paraqet kërcënim serioz për sigurinë e gazetarëve dhe punonjësve të mediave, si dhe sulm ndaj lirisë së fjalës dhe të drejtës së publikut për t’u informuar./Zhurnal