Kryeministri në detyrë, Albin Kurti, ka deklaruar se Kuvendi ka edhe dy ditë kohë deri në seancën ku pritet të votohet për krijimin e Qeverisë nga mandatari i dytë i Glauk Konjufca.
Kurti tha se theksoi se urgjenca kryesore për shtetin e Kosovës është formimi i komisioneve të përhershme parlamentare.
“I kemi edhe dy ditë deri tek seanca e Kuvendit për mandatarin e radhës. Ajo që besoj se është më urgjente për shtetin e Kosovës është formimi i komisioneve parlamentare. Janë katër komisione të përhershme: Komisioni për Buxhet, Punësim dhe Transfere; Komisioni për Integrime Evropiane; Komisioni për Komunitete dhe Kthim; dhe Komisioni për Legjislacion. Tash që e kemi konstituar Kuvendin e Republikës së Kosovës në legjislaturën e nëntë, është gabim politik dhe dëm financiar e social mosprocedimi i mëtutjeshëm në Kuvend. Formimi i komisioneve parlamentare është rruga e duhur përpara. Çështje më urgjente se kjo nuk ka, ndërkohë që afati 15-ditor vlen deri të mërkurën,” tha Kurti për T7.