Familja e të arrestuarit në Turqi: Liridoni është i pafajshëm, të gatshëm për bashkëpunim me institucionet

Familja e Liridon Rexhepit, i cili u arrestua nga autoritetet turke në Stamboll, ka reaguar përmes një deklarate publike, ku shprehet e shqetësuar dhe e befasuar nga ky rast.

Përfaqësuesi i autorizuar i familjes, avokati Arianit Koci, ka përcjellë mesazhin e familjes Rexhepi, duke theksuar bindjen e tyre për pafajësinë e Liridonit.

“Në jemi të bindur që vëllai ynë është i pafajshëm, ngase asnjëherë të vetme nuk jemi të përfshirë në pretendimet që thuhen, as ne si familje, e as Liridoni,” ka shkruar Koci në emër të familjes.

Familja Rexhepi shpreh gatishmërinë e saj për të bashkëpunuar me çdo institucion të Kosovës apo të Turqisë, në mënyrë që situata të sqarohet plotësisht.