Shkup 15 dhjetor – Ministria e Ekonomisë dhe Punës njofton se sot filloi aksioni “Shporta e Vitit të Ri” e cila deri më tani përfshin më shumë se 960 produkte dhe do të zgjasë nga 15 dhjetori deri më 15 janar, transmeton Zhurnal.mk.
“Sot filloi aksioni “Shporta e Vitit të Ri”, i cili deri më tani përfshin më shumë se 960 produkte dhe do të zgjasë nga 15 dhjetori deri më 15 janar.
Ky veprim u bë me iniciativën e sektorit të biznesit, ku ata ofruan produkte që ofrohen me çmime më të ulëta për qytetarët për së paku 10 për qind.
Përmes kësaj mase, ne ndihmojmë drejtpërdrejt në përmirësimin e standardit jetësor të qytetarëve për të kaluar festat e Vitit të Ri në kushte të mira.
Të gjitha produktet që janë përfshirë me aksionin janë shënuar në raftet e marketeve me shenjën “Kujdesemi! Më pak harxhime, më shumë për ty. “
Më shumë se 90 prodhues dhe shpërndarës të produkteve i janë bashkuar aksionit deri më tani, ndërsa produktet nga sot janë në dispozicion të qytetarëve në 38 zinxhirë të marketeve.
Të gjitha informacionet në lidhje me aksionin, listën e produkteve dhe kompanitë që janë pjesë e shportës (prodhuesit, shpërndarësit, marketet…) publikohen në faqen e internetit www.mojakosnica.mk .
Lista e produkteve nuk është mbyllur dhe të gjitha palët e interesuara mund të aplikojnë me produktet e tyre në info@mojakosnica.mk
U bëjmë thirrje kompanive që të respektojnë me përpikëri aksionin, të cilin e krijuan vetë, e nëse qytetarët kanë vërejtje t’i denoncojnë ato në Inspektoratin Shtetëror të Tregut në numrin e telefonit falas 191 ose në faqen e internetit www.dpi.gov.mk. “