Gashi për provimin e jurisprudencës në shqip: Ligji për gjuhët duhet të respektohet dhe të sigurohet dygjuhësia

Shkup, 9 shkurt – Në brifing me gazetarët, kryetari i Kuvendit, Afrim Gashi në lidhje me kërkesën e studentëve që provimi i jurisprudencës të jetë edhe në gjuhën shqipe, tha se Ligji për gjuhët duhet të respektohet dhe të sigurohet dygjuhësia në provim, shkruan Tv21.

Në pyetjen nëse ndonjë nga grupet parlamentare ka dorëzuar iniciativë për interpelancë ndaj ministrit të Drejtësisë, Igor Filkov, ai u përgjigj se deri më tani nuk është dorëzuar një e tillë, por nëse së paku pesë deputetë e paraqesin, ajo do të vihet në rend dite të seancës.