Shkup, 30 janar – Hapja solemne e bibliotekës së re të Universitetit Ndërkombëtar Ballkanik sot ishte një moment i veçantë që nënvizon rëndësinë e investimit në arsim dhe dije. Me një kapacitet prej 300 personash dhe një koleksion prej 10,000 librash, kjo bibliotekë moderne është dëshmi e përkushtimit për zhvillimin e brezave të rinj, bëri të ditur kreu i komunës së Çairit, Visar Ganiu
“Si kryetar i Çairit, ndjej kënaqësi dhe krenari që komuniteti ynë është pjesë e projekteve të tilla që mbështesin edukimin dhe përparimin shoqëror. Kjo bibliotekë do të jetë një burim i çmuar për studentët dhe një pikë referimi për bashkëpunim dhe avancim intelektual.
Urime Universitetit Ndërkombëtar Ballkanik për këtë arritje dhe shumë suksese në misionin e tyre për një të ardhme më të ndritur.”, njofton Ganiu