Haradinaj: Familja Jashari është zemër e qëndresës sonë

Kryetari i AAK-së, Ramush Haradinaj ka bërë homazhe në Prekaz, duke kujtuar Epopenë e UÇK-së.

Haradinaj ka shkruar se familja Jashari është zemër e qëndresës sonë, e lufta e UÇK-së, vulë e përjetshme e krenarisë dhe arritjes më të madhe kombëtare.

“Te Prekazi i Komandantit Legjendar Adem Jashari, aty ku sakrifica arriti kulmin e saj; kujtojmë Epopenë e UÇK-së, të gdhendur përjetësisht në historinë e kombit shqiptar, me emrat e heronjve, dëshmorëve e martirëve të flijuar për liri. Familja Jashari është zemër e qëndresës sonë, e lufta e UÇK-së, vulë e përjetshme e krenarisë dhe arritjes më të madhe kombëtare”, ka shkruar Haradinaj.

Tutje, ai ka shtuar “Lavdi të rënëve ndër breza, lavdi luftës së UÇK-së”.