Të paktën 13 persona kanë vdekur në një zjarr që shpërtheu në disa ndërtesa në një kompleks banimi në Hong Kong, sipas administratës së qytetit.
“Trembëdhjetë persona janë shpallur të vdekur, dy janë në gjendje kritike dhe një është në gjendje të qëndrueshme”, tha një përfaqësues i Departamentit të Shërbimeve të Informacionit të qeverisë.
”Disa persona kanë mbetur të bllokuar brenda”, raportoi transmetuesi publik RTHK, duke cituar policinë.
Disa zjarrfikës u plagosën gjithashtu ndërsa përpiqeshin të shuanin flakët.
Autoritetet mbyllën pjesë të autostradës aty pranë ndërsa operacionet e zjarrfikjes vazhduan.
“Banorëve aty pranë u këshillohet të qëndrojnë brenda, të mbyllin dyert dhe dritaret dhe të ruajnë qetësinë. Publikut gjithashtu i këshillohet të shmangë udhëtimet në zonën e prekur”, deklaroi Departamenti i Zjarrfikësve.