188
Gjykata e Posaçme Kundër Korrupsionit dhe Krimit të Organizuar ka shpallur fajtor ish-kryebashkiakun e Lushnjës Fatos Tushe për “fshehje e mosdeklarim të pasurisë”.
Tushe u dënua me 1 vit e 6 muaj burg. Për shkak të gjykimit të shkurtuar dënimi u ul në 1 vit. Ndryshe nga SPAK, që kërkoi vetëm dënim me burg, përfundimisht gjykata ka vlerësuar të pezullojë ekzekutimin e dënimit me burg për Tushen, duke e lënë atë në Shërbim Prove për dy vite.
Në janar 2024 ish-kryebashkiaku i Lushnjës doli nga burgu, pasi përfundoi një dënim për “shpërdorim të detyrës” në dy raste.