Shkup, 11 gusht – Në kuadër të Ditës Ndërkombëtare të Rinisë, kandidati për kryetar komune në Çair, Izet Mexhiti, ka përcjellë një mesazh për të rinjtë e komunës.
“Me rininë, po i thyejmë dyert që dikur ishin të mbyllura nga pushteti i kaluar dhe po hapim një rrugë të re për të ardhmen e tyre. Me energji, ide dhe guxim, rinia jonë po bëhet zëri dhe forca e ndryshimit, duke krijuar shpresë për një vend më të mirë dhe mundësi që deri tani mungonin,” ka deklaruar Mexhiti, transmeton Zhurnal.mk.
Ai shtoi se angazhimi dhe kreativiteti i të rinjve është çelësi për zhvillimin e Çairit dhe përmirësimin e jetës së qytetarëve.
Mexhiti uroi të gjithë të rinjtë me rastin e Ditës Ndërkombëtare të Rinisë, duke i cilësuar si shtylla kryesore të së ardhmes së komunës.