Jahoski shpëton nga qelia, vendoset në arrest shtëpiak

Shkup, 11 mars – Gjyqtari i procedurës paraprake në Gjykatën Themelore Penale Shkup, duke vepruar sipas propozimit të Prokurorisë Themelore Publike për Ndjekjen e Krimit të Organizuar dhe Korrupsionit, në lidhje me të dyshuarin A.J., pas deklaratës së tij para gjyqtarit të procedurës paraprake, ka pranuar propozimin e prokurorit publik për zëvendësimin e masës së paraburgimit me arrest shtëpiak. Kundër këtij vendimi palët kanë të drejtë ankim në Këshillin Penal.