Kandidatja e PSD e qarkun e Fierit, Limonera Bozha, ka kritikuar rivalët e saj politikë për mënyrën se si janë duke e zhvilluar fushatën elektorale.
Bozha në një intervistë në Quo Vadis për moderatoren Pranvera Borakaj në Vizion Plus, tha se rivalët e saj janë më të fokusuar në rrjetet sociale se te hallet e qytetarëve.
Ajo tha se ndryshe nga rivalët, qendron gjithmonë pranë njerëzve, për të prekur hallet dhe problemet e tyre.
“Tani çdo gjë është bërë në formën e reklamimit të kandidatëve sikur janë aktorë. Po kërkohen të përzgjidhen nga njerëz që ata të punojnë për hallet e tyre, jo thjeshtë të dalin dhe të bëjnë show për videot e tyre dhe replika me njëri-tjetrin. Kjo është arsyeja që unë jam larguar, unë jam njeri i punës dhe preferoj të jem afër me njerëzit, që të di të përcjell zërin e tyre për problemet dhe hallet që kanë ata. Nëse unë do të rrija gjatë gjithë kohës para instagramit dhe të replikoja me ndonjë kandidat X gjatë gjithë kohës, nuk besoj se do të sillja ndonjë gjë të mirë për ata që dua të përfaqësoj”, deklaroi Bozha në Quo Vadis.