302
Shkup, 6 gusht – Kryetari i Komunës së Tetovës, Bilall Kasami, ka njoftuar sot për hapjen e një hapësire të re publike në shërbim të qytetarëve – 43 vende të reja parkimi pranë gjykatës së qytetit.
Përmes një postimi në rrjetet sociale, Kasami bëri të ditur se zona në fjalë, e cila më parë ishte e uzurpuar, tashmë i është rikthyer komunës dhe mund të shfrytëzohet nga qytetarët për parkim.
“Edhe një punë e mirë e realizuar”, u shpreh kryetari, duke e cilësuar këtë si një tjetër hap konkret drejt përmirësimit të infrastrukturës urbane dhe lehtësimit të jetës së përditshme të banorëve të Tetovës.