Shkup, 24 maj – Kryetari i LSDM-së, Venko Filipçe, deklaroi se partia tashmë ka filluar përgatitjet për zgjedhjet e ardhshme lokale, me kritere të qarta për përzgjedhjen e partnerëve të koalicionit dhe kandidatëve për kryetarë komunash.
Ai theksoi se ende nuk ka pasur takim me Arben Taravarin, por se është i hapur për bisedime.
“Nëse partneri që e kërkojmë për zgjedhjet lokale është një subjekt politik me të cilin ndërtojmë një marrëdhënie besimi, bashkëpunim për realizimin e programit dhe respekt të ndërsjellë, atëherë ai do të jetë partneri ynë i mundshëm në koalicion”, tha Filipçe.
Ai njoftoi se LSDM tashmë ka partnerë të konfirmuar brenda koalicionit ekzistues dhe po punon për konsolidimin e listave të këshilltarëve.
“Për dy kandidatë për kryetarë komunash jemi pothuajse të sigurt se do të garojnë në zgjedhjet lokale – bëhet fjalë për kryetarin aktual të Komunës së Qendrës, Goran Gerasimovski, dhe për kryetarin e Krushevës, Tome Hristovski”, deklaroi Filipçe.