Shkup, 21 Janar 2026, Zhurnal.mk – Maqedonia e Veriut pritet të ketë rritje të Prodhimit të brendshëm Bruto (PBB, ang. GDP) prej 3.0% në vitin 2026 dhe 2027sipas parashkimeve më të reja të Bankës Botërore, dhe radhitet e katërta në rajonin e Ballkanit Perëndimor, pas Kosovës, Shqipërisë e Malit të Zi, shkruan Zhurnal.mk.
E para në listë në rajon për rritën ekonomike është Kosova, e cila pritet të ketë rritje të PBB-së prej 3.8% në vitin 2026 dhe 3.9% në vitin 2027, që është më e mira në rajonin e Ballkanit Perëndimor, sipas parashikimit të bankës.
Sipas huadhënësit botëror, Shqipëria vjen e dyta pas me 3.5% për këtë vit dhe në vitin 2027, e ndjekur nga Mali i Zi me 3.2% për të dy vitet.
Maqedonia e Veriut është pas Malit të Zi në rajon, dhe parashikimet e bankës me 3,0% rritë të PBB-së për të janë më të mira sesa për Serbinë dhe Bosnjë e Herzegovinën (BeH).
Serbia ndodhet pas Maqedonisë së Veriut me 3.0% për vitin 2026 dhe 3.2% në vitin 2027, ndërsa e fundit listohet Bosnja dhe Hercegovina (BiH) me të njëjtin parashikim për të dy vitet si edhe Serbia.
Edhe për vitin 2025, Maqedonia e Veriut ishte pas Kosovës, Shqipërisë e Malit të Zi, dhe më mirë sesa BeH dhe Serbia.
Sipas raportit të ri të bankës botërore, Kosova e pati rritjen më të mirë të PBB-së në vitin 2025 me 3.8%, e ndjekur nga Shqipëria me 3.7%, Mali i Zi 3.3%, Maqedonia e Veriut 3.2%, BiH 2.6% me Serbinë e fundit në listën e rajonit me 2.1%.