Beçiq, Mali i Zi, 23 qershor – “Institucionet e forta janë motori i vërtetë i ndryshimit të qëndrueshëm. Ato e shndërrojnë vizionin në rezultate”, deklaroi Ministrja e Financave e Maqedonisë së Veriut, Gordana Dimitrieska-Kochoska, gjatë seancës përmbyllëse të Takimit Vjetor të Bordit të Forumit CEF (Qendra për Ekselencë në Financë), që u mbajt në Beçiq të Malit të Zi.
Ministrja theksoi rëndësinë që ka forcimi i kapaciteteve institucionale për të garantuar zhvillim afatgjatë dhe për të adresuar sfidat ekonomike dhe financiare në mënyrë efektive. Ajo vuri në pah rolin që kanë institucionet në zbatimin e reformave dhe arritjen e objektivave strategjike, duke shtuar se bashkëpunimi rajonal dhe shkëmbimi i përvojave është çelës për përparim të përbashkët.
Takimi vjetor i CEF mblodhi përfaqësues të lartë të financave publike nga rajoni i Evropës Juglindore, për të diskutuar mbi zhvillimin e kapaciteteve institucionale, transparencën fiskale dhe menaxhimin e financave publike në kontekstin e reformave dhe integrimeve evropiane.