209
Shkup, 22 dhjetor – Sot, kryetari i Partisë Demokratike Shqiptare, Menduh Thaçi, zhvilloi takim me shefin e Zyrës Politike dhe ekonomike të Ambasadës Amerikane në Shkup, Dejvid Mejers, njofton PDSH, transmeton Zhurnal.mk
Gjatë bisedës u diskutuan çështje kyçe për integrimin e vendit në Bashkimin Europian dhe forcimin e partneritetit strategjik me Shtetet e Bashkuara të Amerikës.
Thaçi theksoi se përkushtimi i palëkundur ndaj reformave dhe avancimi i agjendës evropiane mbeten prioritet absolut për stabilitetin dhe zhvillimin e vendit.
Ai nënvizoi vendosmërinë e PDSH-së në përmbushjen e këtyre objektivave strategjike.