Shkup, 11 nëntor – Ministri i Punëve të Jashtme dhe Tregtisë së Jashtme Timço Mucunski, sot e priti ambasadorin e Rerpublikës së Francës, Kristof Le Rigoler.
Siç njoftuan nga MPJ, ky takim vijoi pas takimeve të mëparshme me presidentin e Francës, Emanuel Makron, të cilin e realizoi delegacioni i udhëhequr nga kryetari i Qeverisë, Hristijan Mickoski, në margjinat e Samitit të Komunitetit Politik Evropian në Budapest.
Në bisedimet me ambasadoren Le Rigoler, theksi u vu në integrimin evropian të Maqedonisë së Veriut, ku ministri Mucunski theksoi nevojën për angazhim dhe mbështetje të shtuar nga Franca si një nga vendet udhëheqëse të BE-së. Gjithashtu, ministri theksoi përkushtimin e Qeverisë për zbatimin e reformave kyçe për anëtarësim në Union, thuhet në kumtesë.
Të dy palët shkëmbyen mendime për thellimin e bashkëpunimit politik dhe ekonomik, si dhe për sfidat aktuale në fushën e sigurisë rajonale.