Shkup, 31 tetor – Ministri i Punëve të Jashtme dhe Tregtisë së Jashtme, Timço Mucunski sot do të marrë pjesë në Konferencën ministrore për dimensionin human të Formulës për paqe në Ukrainë e cila po mbahet në Montreal, Kanada. Konferenca është organizuar në partneritet nga Ministritë e Punëve të Jashtme të Kanadasë, Norvegjisë dhe Ukrainës.
Në konferencë, siç informojnë nga Ministria e Punëve të Jashtme dhe Tregti të Jashtme, ministrat pritet të shkëmbejnë mendime dhe qëndrime në lidhje me kthimin e të burgosurve të luftës dhe civilëve të ndaluar ilegalisht si rezultat i luftës ruso-ukrainase, si dhe gjetjen e mekanizmave më të përshtatshëm për kthimin e popullit të zhvendosur ilegalisht dhe fëmijëve ukrainas të dëbuar me forcë nga ana e Federatës ruse.
“Në mënyrë shtesë, konferenca pritet të nxjerrë një plan veprimi për lirimin e civilëve të burgosur, pengjet ushtarake dhe politike, si dhe kthimin e fëmijëve të dëbuar. Plani do të përfshijë dhe masa për rehabilitimin dhe riintegrimin e tyre me familjet e tyre pas kthimit në vendlindje”, thuhet në kumtesë.
Në kuadër të konferencës është parashikuar që Mucunski të zhvillojë dhe disa takime bilaterale.