Shkup, 29 maj – Marrëveshja me Mbretërinë e Bashkuar ka qenë transparente që nga fillimi dhe publiku është në dijeni të kësaj. Vetëm Venko Filipçe dhe LSDM po sulmojnë Britaninë e Madhe dhe e konsiderojnë marrëveshjen një partneritet strategjik që do të sjellë stabilitet, siguri dhe zhvillim në vend, thonë nga OBRM-PDUKM.
Nga atje thonë se Filipçe dhe LSDM kanë frikë nga suksesi i Qeverisë në marrëveshjen strategjike midis Maqedonisë dhe Britanisë së Madhe dhe për këtë arsye po manipulojnë, dezinformojnë publikun dhe përhapin lajme të rreme.
“Është një veprim politikisht i dëshpëruar nga ana e Filipçes që të sulmojë Mbretërinë e Bashkuar dhe të përhapë aludime rreth marrëveshjes. Marrëveshja e Partneritetit Strategjik Qeveri-me-Qeveri shënon një epokë të re në marrëdhëniet midis Maqedonisë dhe Mbretërisë së Bashkuar dhe përfaqëson një moment historik në partneritetin strategjik të investimeve midis dy vendeve.
Së dyti, në aspektin ekonomik, ekziston një kornizë që na siguron rreth 6 miliardë euro, ose rreth 5 miliardë paund. Me nënshkrimin e këtij dokumenti, 6 miliardë euro i vihen në dispozicion Maqedonisë për të financuar projekte kapitale në disa sektorë strategjikë. Do të fillojë një cikël i ri i fortë i rritjes ekonomike. Filipçe, në vend që të fyejë dhe kritikojë partnerët e Maqedonisë dhe të përhapë budallallëqe në publik, duhet të kërkojë falje”, shtojnë nga OBRM-PDUKM.