Shkup, 5 shtator – Në prag të zgjedhjeve lokale 2025, sot zyrtarisht do të fillojë vëzhgimi nga ana e misionit të OSBE/ODIHR-së, pasi Komisioni Shtetëror i Zgjedhjeve (KSHZ) dje njëzëri i miratoi kërkesat për akreditimin e 14-të vëzhguesve ndërkombëtarë.
Kryetari i KSHZ-së, Boris Kondarko, në seancën e djeshme informoi se sot do të mbahet takim i parë zyrtar me përfaqësuesit e Komisionit vëzhgues, me çka edhe formalisht do të fillojë puna e tyre.
“Njoftoj opinionin se prej nesër zyrtarisht do të kemi takim me përfaqësuesit e misionit vëzhgues të ODIHR-së dhe prej sot fillon puna e tyre dhe vëzhgimi zyrtar i zgjedhjeve. Ata do të jenë në komunikim të vazhdueshëm me KSHZ-në dhe do të marrin pjesë në të gjitha seancat e tona të hapura publike”, deklaroi Kondaro në seancën e djeshme.
KSHZ-ja dje miratoi edhe dy kërkesat e para për akreditim: njëera për gjashtë vëzhgues, tjetra për tetë vëzhgues.
Në mënyrë shtesë, anëtarët e Komisionit miratuan ndryshimet dhe plotësimet e vendimit për regjistrin e radiodifuzerëve, mediave të shkruara dhe elektronike, si dhe internet portalet, të cilat do t’i mbulojnë zgjedhjet.
Në seancën u shqyrtuan edhe 34 kërkesa për përjashtimin e kryetarëve, zëvendësve dhe anëtarëve të Komisionit të zgjedhjeve komunale, ndërsa në vend të atyre u emëruan persona të rinj.
Rrethi i parë për zgjedhje të kryetarëve të komunave dhe anëtarëve të këshillit të 80 komunave dhe Qytetit të Shkupit do të mbahet më 19 tetor, ndërsa rrethi i dytë duhet të mbahet me 2 nëntor në njësitë e vetëqeverisjes lokale, në të cilat zgjedhjet nuk do të përfundojnë në rrethin e parë.