334
Stadiumi “Skënderbeu” në qytetin e Korçës është përfshirë nga flakët paraditen e kësaj të enjteje.
Siç shihet dhe nga pamjet e siguruara nga Euronews Albania, flakët kanë përfshirë një pjesë të konsiderueshme të tribunës VIP si dhe mjediset e brendshme të këtij stadiumi.
Ndërhyrja e shërbimit zjarrfikës bëri të mundur izolimin e flakëve në të gjitha ambientet e kësaj tribune dhe të dy tribunave të tjera të stadiumit.
Ende nuk dihen shkaqet dhe rrethanat e zjarrit, ndërkohë që nuk raportohet që në ambientet e brendshme të stadiumit të ketë patur persona.
Dyshohet se zjarri mund të jetë shkaktuar nga temperaturat e larta dhe materialet plastike.
Nuk përjashtohet mundësia e një shkëndijë elektrike brenda mjediseve të stadiumit.