Po kalonte trafik-ndarësen, përplaset për vdekje këmbësori në Tiranë

Të martën, në orët e hershme të mëngjesit, një aksident me fatalitet ka ndodhur në Tiranë.

Rreth 02:25, në rrugën “29 Nëntori”, automjeti me drejtues shtetasin J. M., rreth 35 vjeç, ka aksidentuar një këmbësor ende të paidentifikuar rreth 70 vjeç, i cili po kalonte trafikndarësen, dhe si pasojë ka humbur jetën, raporton TCH.

Drejtuesi i automjetit është shoqëruar në Komisariat, për veprime të mëtejshme.

Grupi hetimor po punon për sqarimin e rrethanave të aksidentit dhe për identifikimin e viktimës.