Shkup, 24 qershor – Petar Bogojevski largohet nga posti i drejtorit të Agjencisë Nacionale për Programet Arsimore dhe Mobilitet Evropian. Kjo ndodh vetëm dy muaj e gjysmë pas emërimit të tij në këtë funksion. Lajmin e konfirmoi vetë Bogojevski, duke ndarë një fotografi me kryeministrin Hristijan Mickoski dhe duke theksuar se ky është një veprim i dakorduar mes partnerëve të koalicionit.
“E katërta, u dakordua rishpërndarja e pozicioneve dhe institucioneve që do të drejtohen nga Macedonian Concept në kuadër të pushtetit ekzekutiv, me çka u konfirmua se kryetari i Koncepti Maqedonas, dr. Petar Bogojevski, do të marrë drejtimin e një institucioni tjetër”, shkroi Bogojevski në një postim publik.
Pas emërimit të tij, Komisioni Evropian kërkoi sqarim nga ministrja e Arsimit, Vesna Janevska, për emërimin e Bogojevskit, pasi në opinion pati reagime për qëndrimet e tij të shprehura në rrjetet sociale.