Komisioni Qendror i Zgjedhjeve (KQZ) ka publikuar raportet e shpenzimeve të tremujorit (prill – qershor 2025) të subjekteve politike të cilat janë të përfaqësuara në Kuvendin e Republikës së Kosovës.
Sipas njoftimit Partia Demokratike e Kosovës (PDK) nga buxheti i saj ka shpenzuar gjithsej 263,753.56 euro, ndërsa Lidhja Demokratike e Kosovës (LDK) ka shpezuar 230,211.63 euro.
Siç thuhet në këtë njoftim në pagat e punëtorve për muajt prill, maj dhe qershor PDK ka paguar 132,647.14 euro, ndërsa për mallra dhe shërbime janë paguar 107,947.34 euro.
E sa i përket shërbimeve tjera kontraktuese si: shërbime arsimore dhe trajnuese, shtyje jo marketing, kontraktuar e teknike ka shpenzuar mbi 87 mijë euro.
Ndërkaq, LDK ka shpenzuar mbi 94 mijë euro për pagat e punëtoreve, ndërsa për pagesa për shpenzime të marketingut kanë dhënë mbi 48 mijë euro, konkretisht për shpenzime për informim publik.
E sa i përket qirasë nga LDK për tre muaj kanë shpenzuar mbi 27 mijë euro.
