Vlora “noton” në ujë/ Shtëpi dhe biznese të përmbytura, 33 familje në qiell të hapur. Banorët kalojnë natën në konvikt

Pas reshjeve të dendura të shiut të djeshëm, situata në qytetin e Vlorës vazhdon të jetë tejet problematike, raporton gazetari i News24, Enrik Mehmeti.

Raportohet se shumë automjete janë bllokuar dhe dëmtuar nga uji, ndërsa shtëpi, dyqane dhe biznese të shumta kanë pësuar dëme të konsiderueshme. Banorët kanë qenë të detyruar të nxjerrin mallrat e tyre në ambientet e jashtme për t’u mbrojtur nga uji. 33 familje mësohet se kanë braktisur shtëpitë e tyre të “pushtuara” tanimë nga vërshimi i ujit.