Zjarr shpërtheu në një motoskaf në Ohër

Ohër, 10 gusht – Sot rreth orës 11:30, në Liqenin e Ohrit, në segmentin midis plazheve te Lagadini dhe Elesheci, rreth 30 metra nga bregu, u përfshi nga flakët një skaf motorik.

Nuk ka persona të lënduar, ndërsa njësia territoriale e zjarrfikësve të Ohrit dhe policia ndërhynë për shuarjen e tij. Këtë verë, ky është rasti i dytë i tillë në Ohër. Më herët, një tjetër skaf motorik mori flakë gjatë lëvizjes në kanalin e Studençishtës. Nuk pati të lënduar, por u shkaktua dëm i madh material.