Aksident mes dy veturave në Prishtinë, një i lënduar

Si pasojë e një aksidenti në mes dy veturave në Prishtinë, sot ka mbetur i lënduar një person.

Lajmin për portalin rtv21.tv e ka konfirmuar zëdhënësi i policisë për rajonin e Prishtinës, Enis Pllana i cili ka thënë se rasti ka ndodhur rreth orës 16:30 në rrugën “Luan Haradinaj”.

“Sot rreth orës 16:30 kemi pranuar informatën për një aksident trafiku me lëndime në rrugën Luan Haradinaj në Prishtinë. Në aksident janë përfshirë dy vetura. Si pasojë është lënduar një person, i cili ka pranuar tretman mjekësor”, tha Pllana. /21Media