Bruksel, 12 maj – Bashkimi Evropian shpreh keqardhje për faktin që presidentja e re e Maqedonisë së Veriut, Gordana Siljanovska-Davkova, nuk e përdori emrin kushtetues të vendit në ceremoninë e sotme gjatë dhënies së betimit, kumtoi Pres shërbimi për punë të jashtme të BE-së (EEAS).
BE rikujton në rëndësinë e respektimit të plotë të marrëveshjeve ekzistuese, ligjërisht të detyrueshme duke përfshirë edhe Marrëveshjen e Prespës me Greqinë, theksohet në deklaratën e EEAS.
Më herët edhe kryetarja e Komisionit Evropian, Ursula fon der Lajen, përmes rrjetit social X tha se Maqedonia e Veriut duhet të vazhdojë me inkuadrimin në BE duke zbatuar reformat dhe duke respektuar marrëveshjet e lidhura, përfshirë edhe atë të Prespës.
“Që Maqedonia e Veriut ta vazhdojë rrugën e suksesshme drejt qasjes në BE, më me rëndësi është që vendi të vazhdojë rrugën e reformave dhe respektimin e plotë të marrëveshjeve të saj obligative, duke përfshirë edhe Marrëveshjen e Prespës”, ka shkruar mes tjerash Fon der Lajen.