Sektori për Punë të Brendshme në Tetovë ka ngritur kallëzim penal ndaj 40-vjeçares G.SH. nga Bojana e Shkupit për veprën penale “ndërmjetësim në ushtrimin e prostitucionit” dhe ndaj G.N. (60) nga Tetova për “ndihmë” gjatë kryerjes së veprës së parë. Sipas Policisë, gjatë viteve 2024–2025, 40-vjeçarja ka mundësuar ofrimin e shërbimeve seksuale në një objekt ndihmës të shtëpisë së 60-vjeçarit, i cili me vetëdije i ka vënë në dispozicion hapësirat për kryerjen e aktivitetit.
“SPB Tetovë ka paraqitur kallëzim penal kundër G.SH. (40) nga fshati Bojanë, Shkup, për shkak të ekzistimit të bazave të dyshimit se ka kryer veprën penale “ndërmjetësim në ushtrimin e prostitucionit”, si dhe kundër G.N. (60) nga Tetova për shkak të ekzistimit të bazave të dyshimit për veprën penale “ndihmë”. E denoncuara G.SH., gjatë viteve 2024 dhe 2025 në Tetovë, në një objekt ndihmës të shtëpisë së të dyshuarit të dytë, ka mundësuar ofrimin e shërbimeve seksuale. Ndërsa G.N., me dashje dhe me vetëdije, e ka ndihmuar të dyshuarën e parë në kryerjen e këtyre shërbimeve, duke i vënë në dispozicion hapësirat e objektit ndihmës të shtëpisë së tij”, thonë nga MPB.