Romë, 24 maj – Ministri i Kulturës dhe Turizmit Zoran Ljutkov, i cili është pjesë e delegacionit në Itali, të udhëhequr nga presidentja Gordana Siljanovska Davkova, sot nga Roma uroi festën e 24 Majit – Ditën e Iluministëve Mbarësllavë, vëllezërve të shenjtë Kirili dhe Metodi, të cilët, siç tha, janë në fakt themeli i shkrim-leximit, kulturës dhe traditës sonë.
“Ky mision i tyre nuk është përfunduar ende, atë vizion të tyre do të duhet ta vazhdojmë gjithnjë e më fort, në mënyrë që të riafirmojmë identitetin tonë, gjuhën tonë të bukur, kulturën dhe traditën tonë gjithnjë e më shpesh”, theksoi ministri Ljutkov.
Në organizimin e Ministrisë së Kulturës, si pjesë e programit kulturor për të shënuar festën, sonte në Romë, pianisti Simon Tërpçeski do të performojë koncertin “Makedonisimo”.
“Zgjodhëm më të mirën nga Maqedonia, një koncert i mrekullueshëm që njihet në të gjithë botën me Simon Trpçeskin. Është një simbolikë e madhe që ne jemi këtu në Romë si maqedonas me koncertin ‘Makedonisimo'”, tha Ljutkov.