Më 11 janar do të votohet edhe në Vrapçisht, Mavrovë-Rostushë dhe Qendër Zhupë

Gostivar, 22 dhjetor – Përveç Komunës së Gostivarit, zgjedhjet për kryetarë komunash më 11 janar përsëriten edhe në Komunën e Vrapçishtit, Komunën e Mavrovës dhe Rostushës, si dhe në Komunën Qendër Zhupë.

Në Komunën e Vrapçishtit në garë për kryetar komune janë Isen Shabani nga AKI dhe Zulhajrat Demiri, i cili garon si kandidat i pavarur i mbështetur nga koalicioni VLEN dhe ASh-ja e Ziadin Selës.

Në Komunën e Mavrovës dhe Rostushës garojnë Oner Jakuposki nga VMRO-DPMNE dhe koalicioni, si dhe Anes Ahmeti nga koalicioni i udhëhequr nga LSDM.

Ndërsa në Komunën Qendër Zhupë, kandidat i vetëm për kryetar komune është Arjan Ibraim, nga Partia Demokratike e Turqve të Maqedonisë.