Shkup, 22 gusht – “One Telekomunikacioni i Maqedonisë” nga kompania hungareze “For-aj-xhi” është e vetmja kompani e cila ka paraqitur ofertë në tenderin e Agjencisë për komunikime elektronike për dhënien e lejeve për operator të ri të rrjetit.
Komisioni për zbatimin e tenderit me ankand publik sot në hapjen e ofertave në AKE konstatoi se ofertuesi i ka dorëzuar të gjitha dokumentet.
“Procedura do të vazhdojë konform ligjit. Do të vijojë vlerësim i dokumentacionit, pas së cilës do të përgatitet raport”, ka thënë Igor Bojaxhiev, kryetar i Komisionit.
Meqenëse janë shpallur zgjedhjet lokale, vendimi, nëse gjithçka është në rregull, do të merret pas përfundimit të procesit zgjedhor.
Dokumentacion rreth tenderit për operator të tretë celular dorëzuan tre kompani.
Operatori i ri potencial celular në vend, sipas kushteve të tenderit, duhet të fillojë punën në fund të vitit 2026.