Sekretari i partisë së minoritetit grek OMONIA-s, Marin Suli, është shprehur se nëse Fredi Beleri do të shpallet i pafajshëm nga Apeli i Gjykatës Kushtetuese në Shqipëri GJKKO, ai do të lërë mandatin e eurodeputetit për të kryer funksionin e kryebashkiakut të Himarës.
Komentet Suli i bëri në një emision në Euronews Albania, ku tha se ka pak gjasa që Beleri të shpallet i pafajshëm në Apelin e GJKKO-së, pasi sipas tij, drejtësia në Shqipëri është me regji nga kryeministri Edi Rama.
Ai tha gjithashtu se në të kundërt, Beleri do të vijojë betejën e tij për drejtësi deri në Gjykatën e Strasburgut.
“Nëse Apeli e shpall ashtu siç është realisht, të pafajshëm, Beleri do të shkojë dhe do bëjë detyrën e kryetarit të Bashkisë, mandat të cilin ja besoi populli i Himarës dhe do japë dorëheqja nga mandati i europarlamentarit.
Në rast se nuk ndodh, që ka më shumë probabilitet sepse drejtësia është me regji dhe është rilindëse, do vijojë të gjitha shkallët e gjykimit deri në Strasburg ku do të marrë pafajësinë dhe dëmet do i paguajmë të gjitha ne. Mandatin për eurodeputet do e vazhdojë”, tha Suli.