329
Dyshohet se në muajin dhjetor një grua është sulmuar seksualisht nga një person dhe sipas viktimës lidhur me rastin ka qenë në dijeni edhe bashkëshorti i saj.
Në raportin 24 orësh të Policisë së Kosovës bëhet e ditur se ngjarja është raportuar të dielën rreth orës 22:30, në Gjilan.
“Dyshohet se në muajin dhjetor viktima f/k është sulmuar seksualisht nga i dyshuari mashkull kosovar si dhe sipas viktimës lidhur me rastin ka qenë në dijeni edhe bashkëshorti i saj i dyshuari mashkull kosovar. Dy të dyshuarit janë intervistuar dhe me vendim të prokurorit janë arrestuar e dërguar në mbajtje, rasti nën hetime”, thuhet në raport.