E sëmurë në shtrat, 85-vjeçarja pret legalizimin prej nëntë vitesh

Në mars të këtij viti emisioni “Stop” transmetoi një problem nga qyteti i Fierit. 85-vjeçarja, Myfarete Vrenozi, nga shtrati i sëmundjeve u shpreh se nuk do që të ikë nga kjo jetë pa kryer legalizimin e shtëpisë, që e priste që nga viti 2016.

Edhe nusja e shtëpisë, Marjana Vrenozi, tha se kishin bërë aplikimin, por nuk po kishin mundur të zgjidhin gjë. Në këto kushte, sipas saj nuk mund të riparojnë as mykun e tarracës.

Nga shqyrtimi i dokumenteve, rezulton se leja e shtëpisë, që i përket vitit ’82, nuk gjendej pasi në vitin ‘97 janë djegur arkivat.

Pas transmetimit të emisionit “Stop”, Marjana Vrenozi, tha pas nëntë vjetësh u erdhi vendimi për legalizimin e shtëpisë.