692
Emisari i Bashkimit Evropian për dialogun Kosovë – Serbi, Miroslav Lajçak, nuk do të bëhet ambasador i BE-së në Zvicër, siç ishte njoftuar muaj më parë.
“Për shkak të zhvillimeve të paparashikuara, ambasadori i caktuar për Zvicër dhe Lihtenshtejn përfundimisht nuk do ta marrë postin në Bernë. Rrjedhimisht, mandati i ambasadorit aktual është zgjatur deri më 31 gusht 2025″, thuhet në njoftimin e Zyrës së BE-së në Zvicër në rrjetin social “X”.
Më herët, Zyra për Shërbimin e Jashtëm të BE-së pati bërë të ditur se Lajçaku është kandidat për ambasador të BE-së në Zvicër.