Shkup, 19 qershor – Ministri i Punëve të Brendshme Pançe Toshkovski sot realizoi takim pune me Zolt Bunford, të dërguarin special për Ballkanin Perëndimor të kryeministrit hungarez Viktor Orban.
Nga MPB-ja njoftuan se në takim u konfirmua bashkëpunimi i shkëlqyeshëm ndërmjet dy ministrive dhe dy Qeverive në përgjithësi, me ç’rast të dy palët theksuan besimin, mbështetjen dhe bashkëpunimin e ndërsjellë në promovimin e mëtejshëm të tyre.
Ministri Toshkovski shprehu mirënjohje për përkushtimin e ndërsjellë, por edhe marrëdhënien vëllazërore në zhvillimin e marrëdhënieve ndërmjet dy vendeve, duke nënvizuar faktin se sfidat e përbashkëta kërkojnë zgjidhje të përbashkëta dhe se ajo që sot prek Ministrinë e Punëve të Brendshme të Maqedonisë, nesër do të ketë efekt në ngjarjet evropiane.
“Takimi përfundoi me bindjen në përkushtimin e ndërsjellë të zgjidhjes së sfidave të përbashkëta dhe rrumbullakimin e përparësive të përbashkëta, si dhe me premtimin e mbështetjes së mëtejshme të përbashkët në shkatërrimin e emigracionit të paligjshëm dhe asgjësimin e tij”, njoftuan nga MPB-ja.